Sonĝpoemo pri ponto

El rul-ostetoj
por ludo simpla,
tigoj elastaj,
ten-radikoj,
plektoj muskaj
sur monto plukitaj,
sunaj radioj
kreiĝos ponto.
>Ponto kreiĝos
>per surambosa
>sono martela,
>susur’ falĉila,
>remaĉado de
>greg’ bruta,
>vok’ paŝtista
>en mild-vespero.
El lan’ delikata,
neĝoblanka,
eriofor’
mola, lumdona kaj
pur’ lanuga
de cigno nobla,
junka arom’
kreiĝos ponto.
>Ponto kreiĝos
>per kantoj frataj,
>murmuraĵa
>lulo avina,
>milda poem’
>de morta patrino,
>kanto de laca
>patro senhava.
Ĉu malfirmas laŭ ŝajn’
ponto al knab’?
Ĉu timas li alfidi
kie fortas plej la fluo?
Tion vi ne timu.
Tenos ĝi vin,
kiam ŝtalo rompiĝos.