Grupoj

Eble vi vidis aŭton veturi trans la altaĵon ekster la pordego
en malluma vespero kiel la nuna: Unue vi vidas la blankajn
frontlumojn proksimiĝi, mallongan tempon eblas distingi kaj blankajn kaj ruĝajn lumojn, poste malproksimiĝas la ruĝaj malantaŭaj lumoj kaj malaperas. Eble vi vidis tion ofte tra la fenestroj.

Vi diras memfide ke aŭto kiu preterveturas estas totale objektiva fenomeno kaj malmulte koncernas vin. Mi estas preta konsenti ke tio estas pli konforta tiel — jes multe pli komforta — sed tamen tiel okazas iafoje, precipe kiam mi vidas tra la fenestro ruĝajn lumojn malproksimiĝi kaj malaperi, ke mi volonte pretus konsideri veturi en aŭto kelkan distancon, ekzemple en malfrua vespero en ilumita urbo, elpaŝi kaj renkonti homojn ĉie ĉirkaŭe, paroli kun homoj, frape viziti novajn pordojn . . . . se tio estis proponita.