Grupoj

Certe vi estas serĉanta ion
ĉiam tuta (kvankam vi tenas tion strikte sekrete)
okuloj kiuj ja estas ĉiame klaraj
kvankam al malmultaj doniĝis vidi tion
plenkreska knabino dum ŝtormo furiozas.

Sed cetere knabineto kiu neniam ĉesas serĉi
eble vi perdis esperon eble forgesis
longajn aŭtunajnvesperojn fjordojn kaj vojojn
tial vi ricevas pardonojn pro ĉio
tial vi ĉiam diros al mi la veron.

Kaj ĉar la nokto sola scias la tutan veron
vi scias ŝanĝi helan tagon en nokton
ne dubante, ne ĉesante dubi
vi scias ŝanĝi nigran nokton en tagon
en okuloj kiuj ĉiam konservas rideton –

kiuj brilas dum tagoj kaj noktoj – kaj ĝuas la unuajn
spirojn de la mateno kun mi
kaj kredas kun mi ke la mondo estas kompleta
kaj pasinta kaj fora sen postsopiro kuniĝas kun vi
kaj nudaj paŝoj trovas nur apertajn pordojn.