Grupoj

Juna ĉevalo estis vendita al farmisto en suda Kjalarnes. Ĉevaloj kutime interkoniĝas pli rapide ol homoj, sed estis strange ke al tiu nordregiona ĉevalo ne estis eble rigardi la ĉevalaron de la farmisto en Kjalarnes kiel sian komunumon. Kiam oni liberigis ĝin kun kelkaj aliaj ĉevaloj ĝi iris ĉiam sian propran vojon; plej ofte li tenis sin sola sur la sama terpeco. Tiel pasis dek jaroj. Tiam ĝi malaperis. Malfrue en somero venis informo pri ĝi el la nordo, en la paŝtejo de la farmisto kiu vendis ĝin antaŭ dek jaroj. Ĝi do estis denove transportita suden.
="">Tiu ĉevalo neniam plu sin direktis al tiu terpeco kiun ĝi proprigis al si antaŭe, ĝi sekvis sen kontraŭstaro aliajn ĉevalojn de la farmbieno, ilia komunumo estis nun al ĝi tolerebla, laŭinforme la gepatraj paŝtejoj ne plu vizitis ĝin, sed iafoje ĝi estis vidata tremeti pro malvarma rido, sen iu klara motivo, kiel estas kutime pri ĉevaloj kaj homoj.