Serĉado

La morto ŝvebis super nia domo
Metaldrakoj flugis sur malhela ĉielo de nia infaneco
tondroj tondris trans nigraj markoloj
kaj ĉielarkoj falis kun bruego
Vaporo nun leviĝas supren de putra akvo
kie la tranĉilrandoj denove estas hardataj
La vapornebul’ plenigas la dezerton de vizaĝoj
kiuj fiksrigardas kun sangoŝvelaj okuloj el izolaj rokoj
al ni kiuj kliniĝantaj ĉirkaŭvagadas en ruinoj
kaj serĉas morgaŭan matenon en la ferrubo.