Hallgrímur Pétursson 1614–1674

Hallgrímur Pétursson estis islanda pastro kaj himnoverkisto. Unue li estis pastro en Hvalsnes en Suðurnes (Reykjanes) kaj tie estis tre malriĉa. Poste li estis pastro en Saurbær en Hvalfjarðarströnd kaj tie li estis sufiĉe bonhava. Siajn lastajn jarojn li suferis de lepro. Li verkis kaj psalmojn kaj nereligiajn poemojn sed la plej fama el liaj verkoj estas La Pasionaj himnoj (Passíusálmarnir). Tiuj himnoj estas 50, verkitaj laŭ diversaj versformoj. La temo estas la suferoj de Jesuo, ekde lia arestiĝo ĝis lia morto sur la kruco. Ĉiu himno komenciĝas sinsekve per   MEIRA ↲

Hallgrímur Pétursson estis islanda pastro kaj himnoverkisto. Unue li estis pastro en Hvalsnes en Suðurnes (Reykjanes) kaj tie estis tre malriĉa. Poste li estis pastro en Saurbær en Hvalfjarðarströnd kaj tie li estis sufiĉe bonhava. Siajn lastajn jarojn li suferis de lepro. Li verkis kaj psalmojn kaj nereligiajn poemojn sed la plej fama el liaj verkoj estas La Pasionaj himnoj (Passíusálmarnir). Tiuj himnoj estas 50, verkitaj laŭ diversaj versformoj. La temo estas la suferoj de Jesuo, ekde lia arestiĝo ĝis lia morto sur la kruco. Ĉiu himno komenciĝas sinsekve per mallonga rakonto pri aparta okazaĵo de la pasiono, sekvas intime persona meditado rilata el la rakonto. En la fino aperas alvoko aŭ preĝo. La Pasionaj Himnoj nutris la religian senton de Islandanoj ekde ilia unua apero en 1666 ĝis la komenco de la 20a jarcento, legataj kaj kantataj en la hejmoj, eĉ ankoraŭ nun ili estas legataj laŭ tradicio en la islanda ŝtat-radio dum la semajnoj antaŭ Pasko. La Himnoj estas tradukitaj en multajn lingvojn, i.a. la latinan kaj la ĉinan.
   La plej granda preĝejo de Islando, Hallgrímskirkja en Rejkjaviko estis nomita laŭ li.   ↑ MINNA