La Vilaĝo (Þorpið) 13

Kie estas via kredo?
> Vi, kiu eksidis en ŝtorma nokto sub litkovrilo
> kaj aŭskultis vortojn pri Dio de maljunulino kiu diris:
Unu ŝirmo estas kontraŭ ĉiuj ŝtormoj,
unu vojo estas super ĉiuj vojoj,
unu konsolo estas por ĉiuj suferoj,
kaj la plej mizera el mizeruloj tion trovas,
> kion tiu serĉas,
kaj mi, kiu nenion havas krom la ĝojon mencii la nomon de Dio.
Tio estas dirita dum trikado de pantofletoj kaj pugnogantoj,
> iafoje kun jena aldono:
Min mizeran Li eble povus uzi
> por diri ion bonan al infaneto.
Kandopeco –
kristalklara, se levita kontraŭ lumo -
fluas sur via lango.
Kie estas via kredo?