Sklavo

Sklavo
1. Se nur mi estus pli libera!
Se mi ne estus via sklav’!
Mi migrus tra la vasto tera,
fordonus mi al ĉia rav’!
2. Se povus mi sidadi nokte,
bieron trinki en kunsid’,
diskuti kun trinkuloj dokte
pri futballud aŭ televid;
3. se povus migri eksterlanden
mi sub egid’ de kurier’,
kie malmultekostas brand’ en
turisma speciala sfer’;
4. se povus mi min regi plene
en frida fraŭl-apartament’,
mi hejmenirus frumatene
en libervola malkontent’!
5. Anstataŭ tio, mi delektas,
en bruta primitiva ĝu’,
la ĉenojn, kiun min protektas
kaj tre volonte sklavas plu.