La Vilaĝo (Þorpið) 14

Malgranda konko
sur malgranda maro.
Vi eble pensas, ke via lageto estas la maro,
Vi eble pensas, ke ĉiuj ondoj rompiĝas
> sur bordoj de malgrandaj maroj,
ke kiam malgranda konko sinkas en malgrandan profundon
kun ĉiuj ŝipanoj – ses ŝtonetoj –
ne ekzistas alia maro
> la granda maro
> maro de morto.
Kaj via patro kisas vin kiam li iras al la ŝipo,
kaj ne prenas de sia dorso la nigran maristosakon.
La maro de eterneco
> estas eble
malgranda lageto.
Iun tagon la morto diras al vivo:
Ho, pruntu al mi vian konkon, frato.