Jerusalem

Jerusalem
Pratempe en Anglujo ĉu
Tramontis tiu piedpar’?
Ĉu paŝtis sin la Diŝafid’
Sur angla verdo de l’ kampar’?

Kaj ĉu prilumis Divizaĝ’
Ĉi nubajn montojn kun elan’?
Najbaris do Jerusalem’
Uzinojn sombrajn de Satan’?

Donu pafarkon de la or’!
Dezirosagojn en saguj’!
Al mi la lanc’! La nubojn for!
Flamĉaron mian donu tuj!

Ne cedos mia mensa lukt’,
Nek mia glav’ ripozos mem,
Ĝis sur la verda angla ter’
Stariĝos jam Jerusalem’.