Sigfús Daðason 1928–1996
50 POEMOJ
Sigfús Daðason estis unu el la plej gravaj modernistaj poetoj islandaj post la mezo de la lasta jarcento. Li edukiĝis en parizo pri la franca kaj latina lingvoj. De li aperis ses poemlibroj: Poemoj (Ljóð) 1951, Manoj kaj vortoj (Hendur og orð) 1959, Kelkaj malmultaj poemoj (Fá ein ljóð) 1972, Siluetoj post la memoroj (útlínur bakvið minnið) 1987, Provenco revidita (Provence í endursýn) 1992 kaj Kaj mediti pri Ŝtonoj (Og hugleiða steina) 1997. Li tradukis ankaŭ multe el la franca lingvo, i.a. de Saint-John Perse: Ekzilo (Útlegð) 1992. Li estis dum multaj jaroj redaktoro de la grava revuo, Tímarit Máls og menningar.
