Puŝkin, Aleksandr 1799–1837

Aleksandr Sergejeviĉ Puŝkin estis fama rusa verkisto. Li naskiĝis la 6-an de junio 1799 en Moskvo kaj mortis la 10-an de februaro 1837 en Peterburgo kie li mortvundiĝis en duelo. En sia junaĝo Puŝkin lernis en la liceo en Carskoje Selo (nun - urbo Puŝkin, proksime al Sankt-Peterburgo) kiu estis destinita por nobelaj infanoj ekde 10-12-jara aĝo, la programo celis prepari altrangajn ŝtatajn funkciulojn. Jam dum sia licea studado Puŝkin estis akceptita en literaturan societon „Arzamas“, kiu kontraŭis rutinon kaj arkaikecon en literaturo kaj li estas rigardata kiel la fondinto de la moderna rusa literaturo.